Mer schri­ibet de 30.September 2017
De Sams­tig nochem Uzwi­ler Herbstmakt.

 

Lie­bi SAC mit ond ohni Glieder,

Ii als neu­ling do im SAC-Uzwil ha die schöö, jo schö isch relat­vi Uuf­gob öbercho es paar Wort aa eu zrich­te öber die sen­sa­tio­nel­li Berg­wan­de­rig of‘s Zanaihorn.

Gstar­tet söm­mer, de Hans­ruedi Wirth als Leit­hirsch ond die erfah­re­ne Berg­al­pi­nis­te de Franz Giger, Alex Gäh­wi­ler, Chris­toph Neff ond ii als Aaf­än­ger mit em PW rich­tig Bad Ragaz, Calf­ei­ser­tal am Sams­tig Mor­ge in Oberuzwil.
Os fol­ge wo de Herbstmart cha so uus­lö­se isch de Alex Har­zemo­ser zom abgmach­te Ziit­punkt nüd erschine.

Nocher Fahrt dör d‘Nacht sömer bim Rest. Giger­wald döre gfah­re. Nocher rück­frog söl­let mer do par­kie­re? den es het do Lüüt ofem Park­platz gha, sät de Hans­ruedi „do Star­tet no die wo nüd dross chömet….“
So söm­mern no 2- 3 Ränk wii­tergfah­re ond hen den par­kiert. Do hem­mer den noch der rich­ti­ge Schue­wahl of ca. 1300 m.ü.M gstartet.

De Hans­ruedi het üüs do will­komm ghä­se, ond het en schö­ne wan­der­takt öber die tääl­wies eher höche Vee­wegtrett aa gee. De Weg isch sehr inter­es­sant gsee. Mehr hend en Herbst­wald aa trof­fe wo ii de Far­be nüd chönt bun­ter see. Bime Was­ser­fall hömer üüs ver­biegs­chlänglet. Ond of der rech­te sii­te vom Berg­bäch­li het üüs de Schif­fer zue glinzelet.

Bald höm­mer „Säss“ die Alp wo de Leit­hirsch gsäät et öber e Seil­hä­ge­brögg­li erreicht. Vo do ewegg isches öber e weg­lo­si Alp immer me rich­tig Him­mel gan­ge. Noche­me ziit­li, wun­der­schö­ni Herbst­berg­na­tur söm­mer i da eher lose Schi­ferg­s­tei cho. Wie bstellt, hem­mer do au de ver­sproch­ne Stei­bock gsee. Wii­ter öber e paar Weg­suech ond chlet­te­rüebi­ge sönd alli noch 4h ond 10Min. bim iid­röck­li­che Gip­fel­ch­rüüz of 2821 m.ü.M aa cho.

Bim Zmit­tags­lösch han ii mi vo de erfah­re­ne Ber­gän­ger öber die Gip­fel uuf­käh­re loo. Also i ha jo no de Sänts mit em Alp­s­tee, d‘Churfirste ond wiit onne im Dunscht de Bode­see kennt. Nebet üüs isch aber no de Grin­gel­spitz, de Pizol ond d‘Sardona gsee. Nörd­lich die 3 Schwösch­te­re ond Sche­sal­pla­na isch glob de wiisi Rog­ge gsee. Es het no vill mee gee, aber ii ha all die Näme vergesse…

Gschtercht ond glück­lich söm­mer of de Abstieg mit de Wort „ Man­ne mer sönd erst dobe wenn mer au wie­der don­ne sönd“ Es het sich als nüd ganz efach useg­stellt, den ue isch fascht efa­cher als abe…

Noch öpe ene­re rutsch par­tie im tääl­wies Bodelo­se Stei, ond eme unfrei­wil­li­ge stei­ni­ge Schiib­ei­schlag bim Hans­ruedi, hend mer den of de Mat­te chö­ne e chli­ni Pau­se mache. Will die schö­ni warmi Mit­tags­son­ne do gsee isch hend mer bim abstieg no öpe 4 nudel­ti­cki Mur­me­li gsee. Ond en Tal­blick… schö­ner chas de Herbst nüd bütte.

Bime chli­ne Boxe­stopp im Rest. Giger­wald hani als Ham­bur­ger erfah­re das der jewi­lis sött en Wan­der­bricht a de Monets­ver­samm­lich mache…

Jo ich cha e nard nüd vill säge. Me, als: War­um in die Fer­ne schwei­fen, wenn das schö­ne so nahe liegt…

Ee super Berg­welt im St.Galleroberland, das Tibet in der Ost­schweiz, ond ee gue­ti Gsell­schaft woni ha döre mit­goo. Of de hee fahrt sönd mer no öber üse­ri Stüür­gel­der gfah­re, die neui wun­der­schö­ni Taminabrogg…
Ond de Schii­be­wü­scher hend mer erst z‘Gossau brucht…

Glück­lich ond e beze­li müed sömer e chlii nochem 6ii wie­der z‘Oberuwil aa cho…

Ee herz­lichs Dan­ke­schön am SAC-Uzwil, em Hans­ruedi Wirth för de wun­der­bai Tag.

PS: Fak­te= es sind eini­ge hon­dert Höhe­me­ter gsee, doch zel­le tuet doch no. „Schöö da chasch nüd chau­fe, da mosch mache….“

Ver­ges­se hani no. Iim Chrüz obe hets am Mit­tag en Schmet­ter­ling ghaa, ond bim abe­weg het sich en Hum­mel ofem Chris­toph sine­re blaue Jacke wöl­le sat esse….

Dan­ke ii ha gschlosse.
Jörg Ehrbar